Тешка повреда за Крис Фрум, Британецот се откажа од Тур де Франс
Британскиот велосипедист Крис Фрум нема да учествува во најпрестижната светска велосипедска трка Тур Де Франс.
34-годишниот Британец кој во четири наврати го освојуваше Тур де Франс (2013, 2015, 2016, 2017) е хоспитализиран денеска во Франција откако доживеал сериозна несреќа при удар во заштитната ограда.
„Тој падна при спустот и со голема брзина удри во ѕидот. Ќе помине многу време до неговото враќање на трките“, изјави Дејв Бреилсдорф од тимот Инеос.
Chris Froome es trasladado a un hospital tras una caída antes de una etapa del Dauphiné #Mundo #EnSegundos pic.twitter.com/PMkozjtbFw
— En Segundos Panamá (@ensegundos_pa) June 12, 2019
Инцидентот се случил за време на третата етапа од трката Критериум Дофине во средата во Руан. Фрум беше осми во вкупниот поредок по три фази осумдневна трка.
„Брзата помош експресно пристигна, Фрум е згрижен и чека со хеликоптер да биде пренесен во Лион или Сент Етјен“, додаде Бреилсдорф.
Британецот е двократен освојувач на бронзен медал на Олимписките игри (2012 и 2016), а минатата година славеше на трката Џиро ди Италија и беше трет на Тур де Франс.
Britain's four-time champion Chris Froome has been ruled out of the Tour de France after breaking his leg in a crash.
👉 https://t.co/dTdLLITon8 pic.twitter.com/c9XWfGOFea
— BBC Sport (@BBCSport) June 12, 2019