Теодорович: Романија има потреба од еден милион работници


Романскиот министер за финансии Еуџен Теодорович изјави денеска дека земјата има потреба од еден милион работници, јавија романски медиуми.

На конференцијата во Букурешт посветена на ситуацијата со вработувањето во Романија, министерот истакна дека 4,5-5 милиони Романци заминале во странство, а има и многу кои работат на црно.

-Во моментов, Романија има потреба од еден милион работници, што е исклучително многу, рече министерот.

Теодорович истакна дека некои мерки преземени од страна на властите успеале да вратат романски работници во нивната родна земја, давајќи пример за градежниот сектор.