„Тензиите се на врвот“: Се ближи ли конфликт?

Генералниот секретар на Обединетите нации Антонио Гутереш изјави денеска дека руската „инвазија“ на Украина предизвикува огромни страдања и уништувања во таа земја.

„Тензиите меѓу големите сили се на историски врв, како и ризиците од конфликт, поради несреќа или погрешна пресметка“, предупреди Гутереш, говорејќи на седницата за мултилатерализмот и Повелбата на ОН, со која претседаваше рускиот министер за надворешни работи Сергеј Лавров, пренесува Ројтерс.

Лавров рано утринава пристигна во Њујорк и ги покани највисоките дипломати на повеќе земји, меѓу кои и американскиот државен секретар Ентони Блинкен, да учествуваат на состаноците на Советот за безбедност со кои претседава Русија.

Постојаниот претставник на Русија во ОН Василиј Небензја претходно изјави дека Русија „има многу теми за разговор“.