Тензично во Цетиње, солзавец и шок бомби, четворица повредени
Тензично е во Цетиње утрово каде полицијата фрли солзавец врз граѓани на повеќе локации кои протестираат против најавеното устоличување на митрополитот Јоаникиј во манастирот Цетиње. Од раните утрински часови се слушаат полициски сирени.
Устоличувањето на митрополитот на СПЦ Јоаникиј, е планирано за денеска во 8 часот во манастирот Цетиње, јавија црногорски медиуми.
Во инцидентите повредени се четири лица кои побарале помош во Општата болница во градот.
Големи полициски сили се распоредени во Цетиње за да пробијат барикади и да им овозможат на свештеници од СПЦ да сигнат до Цетињскиот манастир. Граѓаните порачуваат дека тоа нема да го дозволат.
Според РТЦГ врз граѓаните се фрлени три солзавци и неколку шок бомби.
UŽIVO: Sukobi demonstranata i policije, bačeno više suzavaca u centru #Cetinje#drustvo #vijestihttps://t.co/068lcQ45vz
— Vijesti (@Vijestime) September 5, 2021
Граѓани на Црна Гора синоќа го блокираа приодите кон Цетиње за да оневозможат српскиот Патријарх Порфириј и свештенство на СПЦ да извршат устоличување на митрополитот Јоаникиј во манастирот во Цетиње.
Во Цетиње денеска е и специјалниот обвинител Миливоје Катниќ, јави РТЦГ.
Српскиот патријарх Порфириј синоќа објави дека Српската православна црква нема да се откаже од устоличување на митрополитот црногорско-приморски Јоаникиј во манастирот Цетиње.
„Утре наутро, со Божја помош и молитва за мир, сите архиепископи ќе заминат на Цетиње за да го устоличат владиката Јоаникиј во трон митрополит црногорско-приморски“, изјави Порфириј за Танјуг, пренесе Бета.
Претходно, дел српски и црногорски медиуми објавија дека устоличувањето во Цетиње е откажано поради безбедносни ризици.
Порталот Борба, близу до владејачкиот Демократски фронт, објави дека устоличувањето е откажано, но дека патријархот Порфириј одбил да го престоли Јоаникиј во Подгорица.
Претседателот Мило Ѓукановиќ е во Цетиње, пратеници од опозицијата, поранешниот претседател Филип Вујановиќ, кој пристигна утрово, јави Бета. Ѓукановиќ вчера пристигна во Цетиње и рече дека не верува дека Јоаникиј ќе биде устоличен денеска во Цетиње.
Според црногорски медиуми, свештенството од СПЦ се упатило кон Цетиње, но се вратиле кон Подгорица.
Илјадници граѓани ја поминаа ноќта блокирајќи ги влезовите на Цетиње со цел да ги спречат Јоаникиј и свештеници да влезат на Цетиње. Организаторите уште еднаш рекоа дека нема да дозволат Јоаникије да влезе на Цетиње блокирајќи приоди кон градот.
Багерите што стоеја на патот од Цетиње до Подгорица се упатија да расчистуваат со голем полициска придружба, пренесуваат медиумите во Црна Гора.
UŽIVO: Policija dala rok demonstrantima na barikadama da se raziđu #drustvo #vijesti #Cetinjehttps://t.co/g5apq2PGlV
— Vijesti (@Vijestime) September 5, 2021