Телото на Навални предадено на неговата мајка
Телото на рускиот опозиционер Алексеј Навални е предадено на неговата мајка, соопшти неговата портпаролка Кира Јармуш на Икс.
„Људмила Ивановна сè уште е во Салехард. Погребот сѐ уште се чека. Не знаеме дали властите ќе се мешаат да се спроведе како што сака семејството и како што заслужува Алексеј. Ќе ве известиме штом има новости“, напиша Јармуш.
Таа им се заблагодари на сите што побараа да се врати неговото тело.
Засега не е познато кога ќе се одржи погребот.