Театарски перфоманс „Во мој стил“ во скопски Корчагин

Во средното училиште „Раде Јовчевски Корчагин“ вечер ќе биде изведен театарскиот перформанс „Во мој стил“ во продукција АВАНГАРТ.

Од продукцијата соопштуваат дека „Во мој стил“ е перформанс кој говори за сите наши навики и проблеми, неправди наоколу, за менталното здравје, за инфлацијата, физичкиот изглед, технологијата, за сето она што е околу нас.

Развојот на перформансот го направи Енџи Николоска, а изведувачи се ученици од СУГС „Раде Јовчевски Корчагин“ како и дизајнот на постерот.

Проектот е поддржан од Град Скопје, во соработка со СУГС „Раде Јовчевски Корчагин“ и ЈУ Градска библиотека „Браќа Миладиновци“ – Скопје.