Тања Фајон потврди дека двајцата уапсени во Словенија се шпиони

Шефицата на словенечката дипломатија, Тања Фајон потврди дека двајцата странски државјани обвинети за шпионажа се припадници на руските разузнавачки служби.

Фајон рече дека тие се уапсени во декември и дека се осомничени за делување против националните интереси на Словенија, но дека амбасадорот на Русија во Љубљана уште не е повикан во Министерството за надворешни работи.

Обвинителството порано потврди дека Националнаѕа истражна канцеларија, врз основа на податоците на словенечката Разузнавачко-безбедносна агенција СОВА, во декември привела свајца странски државјани за шпионирање во корист на Русија.

Судот им одреди притвор и им се заканува казна од осум години затвор.

Според пишувањето на словенечките медиуми, станува збор за маж и жена со аргентинско државјанство, пренесоа агенциите.