Тамара: Грешката при пеењето на химната прерасна во вистински пекол за мене и моето семејство

Пејачката Тамара Тодевска  се уште е вознемирена за пропуштениот дел од македонската химна за време на интерпретацијата на настанот по повод националниот празник на САД, 4 Јули кој  се одржа во американската амбасада во Скопје.

Во интерес на смирување на целата ситуација, таа ги откажа настапите во Охрид и Прилеп.

„Почитувани, очигледната ненамерна грешка при пеењето на химната прерасна во вистински пекол за мене и моето семејство. Со оглед на тоа што не сакам да придонесувам за зголемување на нашата агонија како семејство и во интерес на смирување на целата ситуација која излезе вон контрола, решив да ги откажам концертите во Прилеп и Охрид. Се надевам дека оваа моја грешка, повторувам грешка, ќе успеете да ја надминете и дека ќе најдете начин да разберете дека е повеќе од ненамерна. Би сакала да се заблагодарам на сите што беа покрај мене во овие тешки мигови. Ниту сум била ниту ќе бидам дел од нечии политички игри, моето семејство е мој број еден приоритет и нивниот мир е на прво место при секој избор“,напиша Тодевска на Фејсбук.