Тајната служба го чува Барон Трамп во студентскиот кампус

Најмладиот син на претседателот Доналд Трамп беше забележан во студентскиот кампус во Њујорк откако помина време во Вашингтон, на инаугурацијата на неговиот татко како 47-ми претседател на Соединетите држави.

Барон Трамп (18) носеше крем џемпер со бела поло блуза одоздола и црни панталони – со членови на Тајната служба во близина.

Барон е студент во прва година на престижната школа за бизнис Стерн на Универзитетот во Њујорк (NYU) и ги балансира своите обврски на факултет со неговите деловни амбиции. Не е познато дали ќе остане во Њујорк, но Меланија Трамп во интервју за Фокс њуз во декември рече дека неговото семејно презиме му отежнува да води нормален студентски живот. „Му реков: „Ова е твој пат, твојот живот“, рече првата дама на САД.

NYU имаше упис од 61.890 студенти со 29.760 студенти на додипломски студии заклучно со есента 2023 година, според веб-страницата на универзитетот.

Иако Барон беше во голема мера надвор од медиумското внимание за време на политичката кариера на неговиот татко, според Меланија Трамп на Фокс њуз, тој активно учествувал во претседателската кампања на неговиот татко за изборите во 2024 година. Неговата мајка рече дека нејзиниот син одиграл значајна улога во поврзувањето на кампањата со помладата публика и „доведувањето на многу млади луѓе“ во политичката орбита на Доналд Трамп.

Џејсон Милер, висок советник на поранешниот претседател, го пофали придонесот на Барон во стратегијата на кампањата, истакнувајќи дека токму тој му предложил на Доналд Трамп да се појавува на популарни подкасти како што се Joe Rogan Experience, Tea Vona’s This Past Weekend и Logan Paul. Во изјава за „Скај њус“, Милер рече дека „сите негови препораки донесоа исклучителни оценки“.