„Свислион“ го зголеми уделот во „Агроплод“ на 98,5 отсто

Скопската компанија „ПИ Свислион ПИЛ“, која е подружница на српска кондиторска групација „Свислион Таково“, соопшти дека го зголемила својот удел во „Агроплод“ од Ресен на 98,5 проценти, откако откупила 30,05 отсто од акциите.

Како што јави СЕЕ Њуз, „Свислион“ откупила вкупно 7.956 обични акции од 13 акционери на „Агроплод“.

„Свислион“, кој е мнозински акционер во „Агроплод“ од 2006 година, во мај објави дека планира да започне со откуп на преостанатиот удел од 31,59 проценти од акциите што тогаш не беа во нејзина сопственост.