Светската цена на златото повторно на рекордно високо ниво
Светските цени на златото повторно се на ново рекордно високо ниво откако денеска на берзата во Њујорк Comex достигнаа цена од 2.449,89 долари за унца.
Растот на цената на златото е поттикнат од очекувањата дека американската централна банка ФЕД наскоро ќе ги намали каматните стапки поради минатонеделните податоци за забавување на стапката на инфлација во САД.
ФЕД официјално засега нема објавено официјален став за каматните стапки, но инвеститорите веќе очекуваат нивно намалување.