Суспендирани двајца во АНБ за случајот со Онишченко

21/11/2022 16:09
Началничка во секторот за стратешка соработка со НАТО службите во АНБ и вработен во истиот сектор засега се единствени виновници на кои им се подготвува суспензија, тврдат за Телма добро информирани извори. Низ нивни раце поминала безбедносната проверка на контроверзниот Олександр Онишченко кој  со обвиненија за корупција и противуставни дејности успешно ја минал контролата на македонската тајна служба.
 
Тие дале позитивно мислење за бараното спортско државјанство за Онишченко, тврделе дека за контроверзниот Украинец контактирале со пријателските служби на држави од НАТО иако тоа никогаш не го сториле.  Станува збор за двајца искусни агенти, началничката дури била повеќе години началник на таканаречената 4-та управа во УБК, односно на секторот за аналитика во тајната полиција во време на Сашо Мијалков. Вториот агент подготвен за суспензија има долг стаж во службата и потекнува од семејство кое и пред него имало вработени во разузнавачките агенции во државата.

 

Суспензијата ќе оди преку дисциплинска комисија формирана во АНБ затоа што нивната внатрешна контрола нема избрано раководител по законски пат. Поради тие пропусти, внатрешната контрола не може да го истражува скандалот и раководителот да потпише соодветен извештај..

Директорот на АНБ, Виктор Димовски, се подготвува за амбасадор во Париз ,  а првиот обид да биде избран нов директор на АНБ бил на почетокот на октомври поради роковите во постапката за дипломатски назначувања. Било подготвено и име, но според изворите на Телма, изборот пропаднал поради коалициски проблеми. Имало тројца кандидати од АНБ, но сите се на началнички позиции во Агенцијата низ чии раце минала и безбедносната проверка на Онишченко. 

Поврзани содржини

Тошковски: Граѓаните во непосредна близина на пожарот во Трубарево да ги напуштат домовите, нема радијација
Стоп за Вардариште најавува протест и од 7:30 часот наутро во понеделник
Mинистерот за животна средина не се појави на пресот за Трубарево, новинарите го бараа
Ѓорѓиевски од Трубарево: Ова што се случува е злосторство против народот, против луѓето на Скопје
(Видео) Прес-конференција на министерот Панче Тошковски
Први резултати за квалитетот на воздухот во Трубарево вечерва, најави Министерството за животна средина
Министерството за здравство дистрибуира заштитни маски за жителите на Трубарево
Институтот за јавно здравје со општи препораки за заштита, никој не соопшти што точно гореше во Трубарево и колку е опасно

Најчитани