Меѓународниот суд за поморско право денеска донесе пресуда дека Русија мора да врати три украински бродови и да ослободи 24 морнари кои се во притвор. Трибуналот, со седиште во Хамбург, денеска донесе пресуда во случај кој Украина го започна против Русија. Минатата година Русија конфискуваше три украински бродови во Керчкиот проток, што ги поврзува Црното Море и Азовското Море и притвори 24 членови на екипажите.
