Студенти: Поевтино е да летаме до Италија, отколку да патуваме до Струмица

Студентите од градовите Македонска Каменица, Делчево Демир Хисар и Крушево воопшто немаат пристап до меѓуградскиот превоз со кој ќе можат да патуваат дома и да се вратат во градот кадешто студираат, без да пронајдат алтернативно решени за превоз, покажа анализата на Комисијата за студенстки стандард, на Универзитетското собрание при УКИМ.

Студентите се соочуваат со проблеми со превозот и тоа оној меѓуградскиот, па дел од нив не ни имаат автобуски пртевоз од нивниот град до градот каде студираат, а дел немаат повратни билети или пак поевтини студентски билети.

Од Универзитетското собрание на УКИМ, денеска на прес-конференција го повикаа министерот за транспорт и врски да овозможи достоинствен превоз за студентите, поздравувајќи ја неговата иницијатива за воведување поевтини и побројни авионски летови. 

– По пандемијата, голем број од автобуските и железничките линии беа укинати, а на оние кои останаа драстично пораснаа цените на билетите. Ова претставуваше и сѐ уште претставува голем удар по студентскиот стандард, па студентите се приморани да плаќаат повисоки цени за превоз до нивниот дом – велат од Комисијата за студенски стандард.

Цените на билетите се зголемени за над 100 отсто, во споредба со пред неколку години, покажала анализата на Комисијата за студенсти стандард.

– Во градовите Охрид, Битола, Прилеп, Ресен, Струга, Кичево и Гостивар, постојат попусти на студентските билети, но тие се исклучок, а не правило. Овие поволности не се достапни за поголемиот дел од студентите кои патуваат во друг град за студии што создава нееднаквост до пристапот во образованието. Студентите кои студираат во глемите универзитетски центри како Скопје, а доаѓаат од помали градови, а сакаат да се вратат дома за врмее на викендите и празниците се приморани да ги плажаат целосните цени на билетите, без никаков попуст.
Одредени градови, покрај тоа што немаат попуст за студенти, немаат ниту повратна карта. таков е примерот со Струмица, кадешто картата во еден правец изнесува 680 денари – додаваат од таму.

Повратен билет нема ни во градовите Тетово, Куманово, Штип, Велес, Радовиш и Свети Николе.

Студентите од градовите Македонска Каменица, Делчево Демир Хисар и Крушево воопшто немаат пристап до меѓуградскиот превоз со кој ќе можат да патуваат дома и да се вратат во градот кадешто студираат, без да пронајдат алтернативно решени за превоз.

Од таму укажаа на тоа дека нафтата неколкупати се намали по пандемијата, но цените на билетите за превоз останаа исти. Превозниците ги оправдуваа зголемените цени за билети со зголемените трошоци за гориво. Денес, велат, студентите купуваат поевтини билети за авион до европските земји, отколку за автобуски превоз низ државата.

– Поевтино е да летаме до Италија, отколку да патуваме до Струмица со повратен билет.

– Апелираме итно да се почне со конкретни резултати кои ќе водат до видливо подобрување на меѓуградскиот превоз и негова достапност за сите – велат од Универзитетското собрани при УКИМ.

Исто така, побараа во градовите каде има универзитети или факултети како Тетово, Битола, Штип, Охрид и Прилеп да се воведе бесплатен градски превоз за студентите.

Од Министерството за транспорт и врски велат дека претставници на УСС при УКИМ, во текот на вчерашниот ден остварија средба со Државниот секретар во Министерството за транспорт на која средба се разговараше и за овие прашања. 

Министерството за транспорт изразува целосна поддршка на студентите, со најава дека сериозно ќе се разгледаат нивните барања и законските можности околу интервенција во цената на билетите.

Сакаме да потенцираме дека Министерството за транспорт во овој момент нема законска можност да интервенира во цената, со оглед дека тоа е пазарна категорија која ја утврдуваат самите превозници.

Исто така на средбата се разговараше и околу можноста и начините за  субвенционирање на цената на билетите за студенти во железничкиот сообраќај.

Согласно Законот за превоз во патниот сообраќај, Министерството за транспорт има законска надлежност единствено да издава лиценци за работа на сите правни лица кои ги исполнуваат критериумите за работа согласно наведениот закон.(Б.Б.)