Strumicë, zjarr në malin e Bellasicës

Prej mbrëmë në malin Bellasicë po digjen drunj të pishës dhe ahut mbi fshatin Gabrovë, kanë bërë të ditur nga Ekonomia e Pyjeve “Bellasicë” nga Strumica.

Sipas Nikolla Ristovit, shef i mbrojtjes së pyjeve pranë Ekonomisë së Pyjeve “Bellasicë” nga Strumica, në vendin e zjarrit janë dërguar 12 të punësuar të cilët tentojnë të vënë zjarrin në kontroll.

Ai deklaroi se zjarret janë shpeshtuar pasi ka filluar gjuetia. Ndërsa apeloi tek të gjithë që lëvizin nëpër pyje, veçmas gjuetarët të sillen me kujdes dhe të mos ndezin zjarr në hapësira të hapura.