Стрмоглав пад на рејтингот на Ердоган

Поддршката за перформансите на турскиот претседател Реџеп Тајип Ердоган се намали за 10,1 проценти во август, паѓајќи на 38 проценти, покажа најновото истражување на агенцијата „Метропол“.

Од 1.717 учесници во истражувањето, 51,5 проценти изјавиле дека не го одобруваат начинот на кој Ердоган ги извршува своите должности. Околу 10,5 проценти од учесниците не одговориле.

Анкетираните, исто така, беа прашани за која партија гласаа на најновите општи избори, одржани во 2018 година. Вкупно 76,3 проценти од гласачите на владејачката Партија на правдата и развојот (АКП) на Ердоган рекоа дека го одобруваат. Меѓу гласачите на коалицискиот партнер на Ердоган, Партијата на националистичкото движење (МХП), 54,5 проценти го одобруваат претседателот.

Во меѓувреме, 90,5 проценти од гласачите на главната опозициска партија, Републиканска народна партија (ЦХП) рекоа дека не го одобруваат претседателот, како и 91,6 проценти од гласачите на опозициската Добра партија од десниот центар.

Рејтингот на Ердоган кај гласачите на Демократската партија на народите (ХДП), кои се претежно Курди, падна на 5,2 во август, додека во јули таа беше 27,7 проценти.

На прашањето што може да придонесе за вакви значителни падови, основачот на „Метропол“, Езер Сенкар, рече дека „кумулативниот ефект“ се должи на пожарите, поплавите и доаѓањето на авганистанските мигранти.

„Ако ме прашате која сламка го скрши грбот на камилата, би рекол дека тоа се пожарите. Владата беше фатена неподготвена и имаше целосен неуспех во гаснењето на пожарите“, додаде тој.