Стопанската комора го организира снабдувањето со заштитни маски
Компаниите кои произведуваат заштитни маски да достават податоци за нивната продажба, цени, количина и периодот на испорака, повикаа од Стопанската комора. Сите податоци за заштитната опрема ќе бидат доставени на интернет страната на комората. Од СКМ велат дека на овој начин компаниите полесно ќе набават маски за своите вработни кои од денеска се задолжителни,а работниците нема да треба сами да си обезбедат.
Користењето на заштитни маски значително го намалува ризикот од пренесување на коронавирусот. Компаните кои произведуваат заштитни маски имаат право одредена количина да ја извезуваат надвор, но и покрај тоа стопанствениците сметаат дека ќе има доволно количини да се покријат домашните потреби.