Стоилковски: МВР регистрирало пиштол на лице поврзанo со тежок криминал

Портпаролот на ВМРО-ДПМНЕ Наум Стоилковски обвини денес дека МВР регистрирало пиштол на лице кое е на листата на врвните 50 обвинети за тежок криминал.

-Дали во МВР е регистрирано оружје, пиштол Глок, калибар 9 милиметри, на лице со одобрение за оружје, Шукри Асани од Сарај, роден 1996 година?Дали Шукри Асани од Сарај, роден 1996 година, е во првите пет на листата „Безбеден град“ за следење, листа на топ 50 поврзани со тежок криминал?

Комисијата за дозволите, одобренијата за оружје е составена од Оливер Спасовски, а водена од неговиот пулен Музафер Каришиќ. Скандалот е уште поголем со тоа што токму Каришиќ е творец на планот „Безбеден град“! Творецот на овој план и список дава дозвола за оружје на лице во врвот на овој план и список!

Молкот повеќе не е опција за Спасовски, ниту за МВР, молкот е само обид да стивне скандалот којшто открива поврзаност, шурување на врвот на МВР на Спасовски со криминалот, порачува Стоилковски.