Стилот на Меган Маркл поважен од спортскиот настан во Холандија

Холандија– Додека Кејт Мидлтон со семејството славеше Велигден на традицииналната миса во замокот Виндзор, јатрвата Меган Маркл со принцот Хари присуствуваше на годинешните Invictus Games – и повторно го привлече вниманието со стилот на облекување.

Војвотката од Сасекс го придружуваше принцот Хари на петтиот годишен меѓународен спортски настан што се одржува во Хаг во Холандија, облечена во Валентино, Селин, Каи, Брендон Максвел и други славни и скапи брендови.

Церемонијата на отворањето започна на 16 април, а игрите ќе завршат на 22 април. Иако првично требаше да се одржат во мај 2020 година, игрите беа одложени за 2021 година поради пандемијата. Потоа повторно беа одложени за пролетта 2022 година.

Маркл започна силно, облечена во целосно бел костим од Валентино во петокот. Изгледот го надополни со бела чанта од италијанската луксузна модна куќа и бели салонки од Aquazzura за да одговараат.

Во саботата, за време на предизвикот на Land Rover, војвотката и војводата имаа совпаѓачки момент во црно, при што Маркл беше облечена во јакна од црн твид и балетанки на Шанел и црна чанта од Селин во комбинација со фармерки. Таа носеше очила за сонце од Линда Фароу и ја обликуваше косата во опавче. Во меѓувреме, принцот Хари носеше црно поло маица со логото на Invictus Games и темно сини панталони.
За време на церемонијата на отварање подоцна истата вечер, Маркл заслепуваше во цршироки  панталони, со потпетици од Маноло Бланик. Таа ја обликуваше косата со две прамени кои и го врамуваа лицето и носеше обетки од Лорејн Шварц.

Маркл зборуваше на сцената и се заблагодари на Холандија како домаќин на игрите, пред да продолжи да зборува за солидарноста со Украина и да им се заблагодари на спортистите за нивните напори.

-За секој тим, мојот сопруг и јас признаваме дека е многу да се дојде до овде, и физички и емоционално, а не само за тимот на Украина, со кој сите заедно стоиме“, рече таа. „Едно нешто што сигурно знам е дека секој момент потребен за да стигнете овде ќе вреди, бидејќи токму тука, на Игрите Invictus, ги почитуваме вашите години активна должност на теренот и вашата континуирана услуга на вашите земјата, на вашето семејство и вашата заедница надвор од теренот“.

Во неделата на Велигден, Маркл облече бела јакна од Брендон Максвел над пар фармерки  и салонки од Маноло Бланик.
Подоцна истиот ден, таа носеше бел цветен мини фустан со долги ракави од Валентино, кафеава чанта од Khaite и очила за сонце исто така од италијанската етикета.