Средба на Николоски и Муцунски со евроамбасадорот Жбогар

Потпретседателот на ВМРО-ДПМНЕ Александар Николоски и секретарот за меѓународна политика на ВМРО-ДПМНЕ, Тимчо Муцунски оствариле средба со шефот на Делегацијата на Европската Унија Самуел Жбогар.На средбата се разговарало за актуелната политичка состојба и процесите важни за државата.

Од страна на ВМРО-ДПМНЕ посочиле дека партијата прави напори за составување на ново парламентарно мнозинство по одржаните избори, и дека таквиот процес се базира на принципиелна основа и програмските определби со кои ВМРО-ДПМНЕ настапи на последните избори. За ВМРО-ДПМНЕ било важно да се почитува правото и правната држава и да се направи коалиција темелна на определбите за интеграција на државата во Унијата, но и коалиција која ќе ги почитува законите и владеењето на правото.

Исто така од ВМРО-ДПМНЕ беше посочиле дека изборите поминале во недемократска атмосфера, со сериозни прекршувања, организиран поткуп и прекршувања на изборните правила што и беше нотирано од мониторинг мисија на ОБСЕ.

-Таквиот отворен поткуп и брутално газење на волјата на граѓаните надополнета со функционери на власта кои се фатени во поткуп, а за тоа не одговараат поради спрегата со обвинителство, укажува дека државата не ги исполнува основните критериуми за демократско владеење и во потполност доаѓа до израз хибридниот режим потенциран од повеќе релевантни меѓународни институции“, рекле од ВМРО-ДПМНЕ.

Според нив, Македонија мора да напредува на патот кон Европската Унија а за да се постигне тоа потребна е нова влада со легитимитет од граѓаните со агенда за суштински реформи кои ќе го подобрат живеењето на граѓаните и санкционирање на криминалот и корупцијата.