„Спомен куќа на Тодор Проески“ подари мечиња за Kлиниката за детски болести

Директорката на Универзитетската клиника за детски болести Аспазија Софијанова денеска прими донација од „Спомен куќа на Тодор Проески“ од Крушево, играчки мечиња за децата кои боледуваат од рак.

Донацијата, како што соопштија од Клиниката, ја додели директорката на спомен куќата Лефкија Гажоска која на средбата со Софијанова потсетила на огромната љубов што ја имал Тоше кон децата од оваа институција. Таа истакнала дека по олеснетите мерки од Ковид пандемијата ќе ја продолжи мисијата на Тоше Проески, за помагање секаде каде што се може.

– Како и секоја година, меѓутоа и оваа година, посебно кога излеговме од Ковид протоколите сакаме да имаме активности и надвор од Спомен куќата и со тоа и да ги возобновиме активностите на Тоше, а една од неговите главни активности беше да донира секаде и секогаш кога можеше, рече Гаџовска.

Таа се присети на значењето што ја имаше оваа Клиника за Тоше.

– Мислам дека најмногу, но и прва донација направена од Тоше беше токму во Kлиниката за детски болести, се надевам дека и натаму ќе ги израдуваме децата кои што водат тешка битка, а истовремено се надевам дека секоја година ќе бидат што помалку болни дечиња, но меѓутоа можат да добиваат и по две и по три играчки но најмногу и посакувам среќа и истрајност во оваа борба што ја водат, деца се сепак и имаат многу пред себе. Да се радуваат и да дојдат да ни ја посетат Спомен куќата и да се здрави и живи, изјави Гажоска.

Директорката Софијанова заблагодарувајќи се на убавата донација, рече дека е среќна што токму овој ден, децата ќе бидат повесели со убавите подароци, кои ќе ги присетуваат на единствениот Тоше.

– Ние како домаќини, јас и економскиот директор Алјадин Мемеди и целиот наш тим сме многу среќни што можеме на овој ден, меѓународниот ден на децата заболени сод рак, спомените на Тоше кој беше прв хуманитарен донатор токму на одделот на деца болни од рак, да можеме да ги вратиме спомените и уште повеќе да ја подигнеме општествената одговорност на сите што имаат желба да помогнат на децата, од едната страна, од друга страна неговата хуматарност уште пред годините со која што почнаа акциите за донирање на клиниката, еве ќе не вратат со едни меки убави мечиња кои што беа дадени во чест на Тоше а веќе ќе бидат дадени на деца кои се борат со овие тешки болести, истакна Софијанова.

Петнаесетти февруари е Меѓународен ден на децата болни од рак, а Универзитетската клиника за детски болести го одбележува со повеќе активности.