Спектакуларни снимки на „раздвоено“ зајдисонце: Што е тоа и како се појавува?

На социјалните мрежи неколку месеци привлекува внимание видео снимено на Флорида во ноември минатата година на кое се гледа неверојатен феномен на таканаречено раздвоено или поделено зајдисонце (split sunset). Снимките го покажуваат небото кое буквално како да е поделено на половина – на едниот дел е зајдисонце во неверојатни розево-црвени нијанси, а веднаш до него како пресечно со нож небото е сиво и по малку тмурно.

The sky in Florida divided into two parts… known as ‘split sunset’ pic.twitter.com/uOASFBhpCJ

— Earth (@earthcurated) July 27, 2024

Што е „раздвоено“ зајдисонце  и како се јавува?

Како што објаснуваат метеоролозите, поделените или  раздвоените зајдисонца обично се јавуваат кога сенката на голем облак под хоризонтот ја спречува сончевата светлина да допре до облаците поблиску до набљудувачите на земјата.

Исто како што не можеме да го видиме сонцето покрај хоризонтот, понекогаш има облаци кои не можеме да ги видиме. Понекогаш тие скриени облаци им пречат на далекусежните сончеви зраци и создаваат сенка на небото. Таа сенка се проектира, создавајќи поделен ефект на зајдисонце (повеќе во видеото).

Зајдисонцето и изгрејсонцето произведуваат спектакуларни бои бидејќи, кога сонцето е ниско на хоризонтот, светлината мора да патува подалеку низ атмосферата на Земјата (во споредба со другите периоди од денот) пред да ја видиме, според Националната океанографска и атмосферска администрација (НОАА). Поради ова долго патување, повеќе од сината светлина во електромагнетниот спектар се расфрла, па светлината што допира до нашите очи изгледа црвеникава, објаснува НОАА.

И ако светлината на заоѓањето на сонцето мора да патува низ честичките во воздухот, како што се вулканската пепел или загадувањето, сината светлина се расфрла уште повеќе, а црвените нијанси стануваат поживописни.

Но, што го предизвика овој чуден ефект на поделен, „сплит-екран“? Кога голем облак лежи помеѓу сонцето и облаците што се поблиску до земјата, големиот облак фрла сенка. Ова ја блокира директната сончева светлина и ја спречува да ги удри другите облаци, создавајќи нешто што изгледа како вертикална бариера што дели две различни неба, според Здружението за вселенско истражување на универзитетите.

Овој феномен е редок, но кога ќе се доживее е спектакуларен.