„Спасувајте се“: Русите масовно бегаат од Херсон

Денеска Русија повторно ги повика луѓето во окупираниот град Керсон да побегнат и на тој начин да си ги спасат животите од очекуваната украинска контраофанзива. Рускиот министер за образование Сергеј Кравцов во видео обраќање рече дека „ситуацијата е тешка и од витално значење е да ги спасиме нашите животи“.

Руските посредници во јужниот регион се обидуваат да евакуираат до 60.000 луѓе кои живеат на западниот брег на реката Днепар. Сепаратистите пријавија недостиг на чамци за транспорт преку реката во еден момент денеска поради „зголемениот број на луѓе кои сакаат да го напуштат градот“.

Регионот Херсон се наоѓа северно од полуостровот Крим, кој Русија го анектираше во 2014 година. Тоа е клучна порта за руското воено снабдување. Околу 25.000 луѓе се евакуирани од регионот до вторник, го цитира агенцијата Интерфакс заменик-шефот на регионот, Кирил Стремусов.

И покрај предупредувањата, официјалните лица инсистираа дека секое преместување на руските трупи од територијата за која Русија тврди дека е нејзина ќе биде привремен. „Нема да се откажеме од Херсон“, рече Стремусов.