СП2022: Групната фаза донесе 2,5 голови по натпревар, петмина со по три погодоци
![](https://nezavisen.mk/wp-content/uploads/2022/11/fudbal-sp-japonija-germanija.jpg)
По завршувањето на групната фаза на Светското првенство во Катар петмина играчи ја предводат листата на стрелци со по три голови – Алваро Мората (Шпанија), Килијан Мбапе (Франција), Маркус Рашфорд (Англија), Коди Гакпо (Холандија) и Енер Валенсија (Еквадор).
Најмногу голови и асистенции заедно запишаа Португалецот, Бруно Фернандеш (2 гола, 2 асистенции), Килијан Мбапе (3 голови и асистенција) и Алваро Мората (3 голови и асистенција).
Вкупно во првиот круг на Мундијалот 2022 се постигнати 120 голови, што е просек од 2,5 по натпревар.
Првиот гол на турнирот го постигна Еквадорецот, Енер Валенсија против Катар, додека најбрзиот гол досега на СП е дело на Канаѓанецот Алфонсо Дејвис, кој беше прецизен на дуелот против Хрватска во втората минута.