Сончево со мала облачност, попладне дожд и грмежи

Времето денеска ќе биде сончево со мала до умерена локална облачност. Попладне на места ќе биде нестабилно со пороен дожд и грмежи. Минималната температура ќе се движи меѓу 8 и 18 степени, а максималната ќе достигне од 26 до 33 степени. УВ индексот ќе изнесува 7.

Во Скопје времето претпладне ќе биде сончево со мала до умерена облачност, а попладне ќе има услови за краткотраен пороен дожд и грмежи. Утринската температура ќе достигне до 14 степени, а дневната до 30 степени.

Од Управата за хидрометеоролошки работи информираа дека од попладне и во наредните денови нашето подрачје ќе биде под влијание на влажна и нестабилна воздушна маса која ќе услови локален дожд и грмежи. Утре на места процесите ќе бидат поинтензивни во форма на невреме со пороен дожд, засилен ветер и услови за појава на град.