Солистички рецитал на Дарко Багески во Филхармонија

Македонскиот гитарист Дарко Багески вечер во Филхармонија ќе одржи солистички рецитал, при што ќе бидат изведени дела од Мауро Гуилиани, Фернандо Сор, Емилио Пујол, Исак Албениз, како и македонски народни песни во изведба на класична гитара, во негова транскрипција.

Дарко Багески е роден во Скопје. Во текот на своето школување посетувал многубројни мастеркласи кај еминентни професори и педагози по класична гитара.

Следел предавања по светска музика кај професорот Томас Фелоу, и предавања по методика на класична гитара кај професорот Моника Рост, и двајцата од Германија.

Претседател и основач е на Македонското Здружение на класични гитаристи, како и уметнички директор и еден од основачите на Меѓународниот фестивал за класична гитара ТРЕМОЛО.

Остварил многу солистички концерти и настапи во државата и надвор, а настапувал како солист со повеке камерни оркестри, како и со Филхармонија.

Моментално работи како вонреден професор на Факултетот за музичка уметност во Скопје.

Концертот е поддржан од Министерството за култура.