Собраниска делегација во посета на Комисијата за човекови права на Косовското собрание

08/07/2019 07:45
Делегација на Постојаната анкетна комисија за заштита на слободите и правата на граѓанинот на Собранието на Република Северна Македонијa во состав: Фадил Зендели, Сашко Атанасов, Мирсада Емини-Асани, Трајчо Димков, Панчо Минов, Ирена Стефоска, Слаѓана Митовска и Зеќир Рамчиловиќ, претседател на пратеничка група за соработка со Парламентот на БиХ, денеска ќе престојува во официјална посета на Комисијата за човекови права, родова рамноправност, исчезнати лица и петиции на Собранието на Република Косово.

Оваа посета, како што соопшти собраниската прес-служба, е на иницијатива на претседателот на Постојаната анкетна комисија за заштита на слободите и правата на граѓанинот, Фадил Зендели, по остварената средба со Комисијата на Собранието на Република Косово, одржана на 29 јуни 2018 година во Скопје во насока на продлабочување на соработката на двете сродни комисии.

Целта на средбата е презентирање на најдобрите парламентарни пракси за работа на ова поле, како и презентирање на практики за подигнување на свеста за почитување на човековите права и слободи.

Покрај средбата со членовите на Комисијата за човекови права, родова рамноправност, исчезнати лица и петиции, во рамките на агендата, предвидена е и средба со претседателот на Собранието на Република Косово, Кадри Весели.

Поврзани содржини

Тошковски потврди: Ова беа демократски избори, ќе има само две кривични пријави
Јавното обвинителство не добило кривична пријава за нарушување на изборниот процес
(Во живо) Прес-конференција на ДИК по завршување на изборите
Затворени гласачките места
МВР регистрира уште пет случаи на фотографирање на гласачкото ливче
Излезноста до 15 часот е 35,89 отсто, до ДИК 233 приговори за заштита на избирачкото право
Излезноста до 13 часот е над 26 отсто, во Скопје околу 32 отсто
Во Скопје најголема излезност во Карпош, Чаирчани се „разбудија“ и пак се на дното

Најчитани