Собранието ќе ја одржи новата 67. седница

Собранието денеска ќе ја одржи новата 67. седница, на чиј дневен ред се вкупно 23 точки.

Пред пратениците по скратена постапка се Предлог на законот за дополнување на Законот за работните односи, Предлог на законот за дополнување на Законот за превоз во патниот сообраќај, Предлог на законот за дополнување на Законот за домување, Предлог на Законот за државна поддршка при купување на прв дом за млади, Предлог на законот за ваучер за неформална детска грижа, Предлог на законот за изменување на Законот за проспекти и обврски за транспарентност за издавачите на хартии од вредност, Предлог на законот за изменување на Законот за решавање банки, Предлог на законот за изменување на Законот за финансиски инструменти, Предлог на Законот за средно полициско училиште, скратена постапка и Предлог-одлуката за испраќање на припадници на Армијата на Република Северна Македонија за учество во меѓународната операција на Европската унија „АЛТЕА“, во Босна и Херцеговина.

На дневен ред на седницата на прво читање се Предлог на законот за изменување на Законот за исплата на платите во Република Северна Македонија, Предлог на законот за дополнување на Законот за задругите, Предлог на законот за изменување на Законот за едношалтерскиот систем и за водење на трговскиот регистар и регистарот на други правни лица, Предлог на законот за изменување на Законот за јавните претпријатија, Предлог на законот за дополнување на Законот за стопанските комори, Предлог на законот за изменување на Законот за вработување на инвалидни лица, Предлог на законот за изменување и дополнување на Законот за странци, Предлог на законот за изменување и дополнување на Законот за безбедност на сообраќајот на патиштата, Предлог на законот за пристапност на веб-страниците и мобилните апликации на институциите од јавниот сектор, Предлог на законот за изменување и дополнување на Законот за прекршоците, Предлог на законот за задолжување на Република Северна Македонија со заем кај Меѓународната банка за обнова и развој – Светска банка по Договорот за заем за дополнително финансирање на Проектот за унапредување на основното образование, Предлог на законот за изменување и дополнување на Законот за енергетска ефикасност и Предлог на законот за контрола на индустриски емисии (*) – Прво читање.