Со помош на вештачка интелигенција креирани 245 портрети на Блаже Конески
Графичкиот уметник Небојша Гелевски – Бане, по повод 101 година од раѓањето на Блаже Конески, користејќи вештачка интелигенција, креирал повеќе од 245 портрети на доајенот.
Користејќи 24 фотографии од Блаже Конески, уметникот создал модел за Конески, а потоа „го препуштил“ на вештачката интелигенција, која креирала портрети според зададените насоки или стилови.
„Како го избирав изгледот на „новиот“ Блаже Конески?
Користев промптови за Гоце Делчев, па користев Portrait of Blaze Koneski, па потоа ставав разноразни стилови, како на пример Wes Anderson, Robert Crumb, retro ads, vector style, studio Gimbly, classical portrait, Cyberpunk science fiction… и други.“, објаснува Бане.
Од вкупно 245 генерирани дела, тој за слободно користење – и за лични и за комерцијални цели, отстапува 20-тина. (Мета.мк)
