Со донација од Јанa, Авт Интернатионал и Тинекс целосно реновиран одделот на нефрологија на Детската клиника во Скопје
Со хуманитарната акција „Капка радост за малите херои!“ – Јана и Авт Интернатионал Доо донираа средства за целосно реновирање на одделот за нефрологија на детската клиника во Скопје.
Одделот за нефрологија на детската клиника во Скопје е целосно реновиран, се подобрија условите за работа и се обезбеди најдобра можна грижа за над 300 мали пациенти кои поминуваат годишно низ ова одделение. Со донацијата од Јана и Авт Интернатионал Доо целосно се реновираа сите соби во детскиот оддел за нефрологија, при што сите соби добија посебен тоалет.
“Одделот сега е многу подобар и поприлагоден на нашите мали пациенти за кои се обидуваме да обезбедиме што е можно поудобен престој во болницата, но и за нас вработените кои работат овде. Врвни експерти работат во оваа клиника и оддел и мило ми е што сега ќе работат во подобри услови за да им дадат на децата уште подобра грижа”, рече проф. д-р Аспазија Софијанова, директор на Универзитетската клиника за детски болести, комплексот Мајка Тереза, Одделот за педијатриска нефрологија.
Хуманитарната акција “Капка радост за малите херои !” по предлог на Јамница, фабрика за производство на природна минерална вода Јана и Авт Интернатионал Доо-Скопје беше спроведена во период 01,08 до 31,10,2021 г. во сите маркети на “Тинекс” и “Космо”, во кои за секој купен освежителен пијалок од асортиманот на Јана се издвојуваа по 2 денари за детската клиника во Скопје. Како бренд Јана секогаш се обидува да им помогне на најранливите категории и оние на кои им е најпотребно. Во соработка со Aвт Интернатионал тие ги повикаа граѓаните да им се придружат во акцијата и заедно успеаја целосно да го реновираат детскиот оддел за нефрологија и да создадат прекрасна приказна.
“Би сакала уште еднаш да им се заблагодарам на Јана и Aвт Интернатионал Доо за нивната иницијатива и помош, бидејќи после нивната акција, се јавија и некои други компании кои сакаат да донираат и помогнат, со цел престојот на децата во болница да биде поудобен, а сите знаеме дека кога луѓето помагаат и децата се посреќни”, заклучи проф. д-р Софијанова.
Со помош на Јана и Авт Интернатионал Доо, малите пациенти сега ќе имаат многу поудобен и за нив прилагоден престој во клиниката, а во Новата година ќе влезат во нов простор достоен за насмевката на секое дете.