Словенечкиот селектор внимателен пред дуелот со македонската репрезентација

Следен противник на македонската фудбалска репрезентација е Словенија, репрезентација која и вториот натпревар од Лигата на Нациите од групата Б1 го игра на домашен терен. Словенија во саботата одигра нерешено со Шкотска без голови 0:0.

За македонскиот национален тим тој изјави:

– Тие заслужуваат да бидат во Лига Б, тие се добар тим со врвни поединци. Секако, мора да бидеме физички подготвени, бидејќи натпреварот нема да биде полесен отколку против Шкотите. Мора да бидеме подобри во нападот, но од друга страна, мора добро да ги контролираме и нивните напаѓачи, бидејќи знаеме дека тие остануваат многу високо, не се враќаат и бараат брзи контранапади. Ќе мора да бидеме беспрекорни и во одбраната и во нападот, изјави Цезар,

Боштјан Цесар играше заедно во Динамо Загреб со селекторот на македонската репрезентација Гоце Седлоски.

Од септември минатата година, репрезентацијата на Словенија одигра 11 натпревари, вклучувајќи го и натпреварот во сабота против Шкотска. Тие само еднаш славеа победа во тој период. Тоа беше во март, кога Црна Гора загуби со 3:2 во вториот пријателски натпревар под водство на Боштјан Цезар. Словенија загуби четири натпревари и одигра нерешено шест пати со своите противници.

Македонската репрезентација денеска пристигна во Љубљана, каде вечерва ќе има и тренинг во пресрет на утрешниот дуел. Почетокот на натпреварот е во 20:45 часот.