Славни дами во борба против ракот на дојка: Погледни зад градникот!


Биди храбра и погледни зад градникот! Тоа е пораката на шесте дами од македонската јавна сцена: саксофонистката Александра Илиева, актерките Тамара Ристовска и Катерина Шехтанска, поп-ѕвездата Дани и водителките Татјана Стојановска и Искра Канзурова, одлучија да ги мотивираат сите жени да се соочат со предизвикот на борбата против ракот на дојката.

Нивната порака, сублимирана во кампања „Погледни зад градникот“ е со превенција и информираност, жените да го надминат стравот од неубавите предизвици на животот. Запознавањето со опциите за превенција и лекување на ракот на дојката е единствената опција да најдат храброст за себе и да ги охрабрат најблиските, во случај на предизвиците од оваа болест.

Шесте дами кои ја прифатија кампањата на познат хрватски бренд за долна облека, сакаат да покажат дека секоја жена може да пронајде храброст во себе, да се погледне зад градникот, но и да им даде поддршка на оние кои веќе се соочуваат со болеста која опфаќа околу 10% од женската популација во светот.