Славната Кристијане Аманпур го напушта Си-Ен-Ен по 43 години
Главната меѓународна водителка на новинската мрежа вели дека ќе се повлече следниот јуни
Познатата новинарка Кристијан Аманпур објави во понеделникот дека по 43 години во Си-Ен-Ен, ќе ја напушти мрежата следниот јуни.
„По многу месеци размислување и неколку непроспиени ноќи, решив да се разделам од СиЕн-Ен, мојот партнер од 43 фантастични години!“, рече Аманпур, главниот меѓународен дописник, во соопштението.
68-годишната новинарка рече дека со нетрпение очекува нови проекти и ќе продолжи да известува и да патува низ целиот свет за Си-Ен-Ен до јуни 2027 година.
Нејзината меѓународна програма за интервјуа ќе премине во неделен формат во јануари 2027 година пред да заврши во мај, според тв-мрежата.
Аманпур опфати големи глобални конфликти, вклучувајќи ја Заливската војна, Босанската војна, Руанда, Авганистан, Украина и Иран.
„Запомнете: секогаш бидете вистинити, а не неутрални“, рече таа во својата изјава.
Таа рече дека ќе го продолжи својот подкаст, „The Ex Files“, кој го води заедно со нејзиниот поранешен сопруг Џејми Рубин. Нејзината програма со јавниот радиодифузен сервис PBS, Amanpour & Company, треба да заврши во декември.
Претседателот на Си-Ен-Ен, Марк Томпсон, ја пофали Аманпур како „една од најдоверливите и најомилените новинарки насекаде“ и ѝ се заблагодари за децениите новинарство.
Според неодамна финализираниот договор за спојување, Си-Ен-Ен преминува во ново сопствеништво под медиумскиот гигант наречен Skydance, кој исто така ќе ги вклучува Си-Би-Ес и неговата новинска дивизија, како и стримерите HBO Max и Paramount.