Слави Трифонов сака раферендум за претседателски систем во Бугарија

Во изјава за партиската телевизија една недела пред почетокот на изборната кампања, лидерот на партијата Има таков народ, Слави Трифонов, рече дека сака да има референдум околу тоа дали Бугарија да остане парламентарна демократија или да стане претседателска република. Тој додаде дека во следниот парламент неговата партија ќе биде гарант за спроведување на резултатите од референдумот.

Главниот проблем во овој момент за Трифонов е што анкетите немаат јасен одговор дали неговата партија ќе го поминепрагот од 4 отсто за влез во парламентот на изборите на 2 октомври.

„Го видов политичкиот систем одвнатре – има лицемерие, лаги, корупција, зад сцена, интриги и болна жед за власт. Јас не сум политичар и мислам дека не само моделот на ГЕРБ, туку треба да се скрши и целиот сегашниот политички систем “, посочи тој.

Во емитуваното видео, Трифонов го смени стилот од неговите последни политички изјави. Позадината веќе не е темна, а ја има кожената јакна што ја носи на своите концерти. Изјавата е придружена со соодветната музика.

Моќта не е по секоја цена, но моралот е. Има таков народ сам против сите, заедно со вас“, заклучи Трифонов.

Има таков народ беше меѓу првите партии кои го поддржаа претседателот Румен Радев за неговиот втор петгодишен мандат.

Во преодната влада назначена од Радев останаа дел од кадрите на Има таков народ, за разлика од оние на другите партии од поранешната четирикратна коалиција.