Скршениот глужд на Џони Деп ја одложи американската турнеја со Алис Купер и Џо Пери

Џони Деп доживеа „болна“ скршеница на глуждот, објавија актерот и неговиот бенд Hollywood Vampires на Инстаграм во понеделникот.

Во писмото објавено на Инстаграм, Деп ја објасни скршеницата.

„Започна како мала болка, но некаде помеѓу Кан и Ројал Алберт Хол, стана полошо отколку подобро“, делумно напиша Деп. „Неколку доктори силно ми предложија да избегнувам секаква активност во моментов и затоа, за жал, не можам да патувам во овој момент“.

Супергрупата на Деп, Hollywood Vampires, во којачленуваат и ветераните Алис Купер и Џо Пери од Aerosmith, на својот профил на Инстаграм објавија дека „болната повреда“ на Деп резултирала со одложување на три концерти од турнејата низ САД, кои требаше да се одржат следната недела.

Концертите во Бостон,Њу Хемпшир и Бетел сега ќе се одржат на 28, 29 и 30 јули, соодветно.

Групата треба да ја започне својата европска турнеја следниот месец.

Веста доаѓа откако Деп присуствуваше на Канскиот филмски фестивал во 2023 година за да го промовира својот нов филм Jeanne du Barry, неговиот прв филм откако победи на судењето за клевета од висок профил против поранешната сопруга Амбер Херд.

Во Кан, Деп се спротивстави на луѓето кои го нарекуваат проектот „враќање“.

„Не отидов никаде“, рече тој за време на прес-конференцијата по премиерното прикажување на филмот претходно овој месец. „Јас живеам на околу 45 минути од тука, всушност. Можеби луѓето престанаа да се јавуваат – од каков и да беше нивниот страв во тоа време – но јас не отидов никаде. Седев наоколу “.

Тој исто така рече дека повеќе не се чувствува „бојкотиран“ од Холивуд, „бидејќи не размислувам за Холивуд. Не чувствувам поголема потреба од Холивуд“.