Сити двојно му ја зголеми платата на Силва

Премиерлигашот Манчестер сити одлучи да го награди својот играч за врска Бернардо Силва за одличните настапи оваа сезона преку значително зголемување на годишната плата, јавија денеска британските медиуми.

Силва очекуваше во летниот трансфер период, кога Сити го доведе Џек Грилиш за 117 милиони да падна во втор план, но место тоа, тој сезонава е најдобриот играч во составот на Пеп Гвардиола.

Поради тоа, актуелниот англиски шампион одлучи двојно да му ја зголеми платата на Силва на 17.5 милиони евра, со што португалскиот репрезентативец сега е на врвот на листата најплатени фудбалери на Сити, заедно со Кевин Де Брујне и Рахим Стерлинг.