Сите министри за надворешни работи на ЕУ на состанок во Киев
Чекор по чекор Киев се приближува до тоа ЕУ во декември да донесе одлука за почеток на преговори со Украина
Додека во Македонија се води исцрпувачка дебата дали уставните промени биле „според бугарски диктат“ Украина, иако е во војна, се приближува на уште еден чекор во декември официјално да почнат преговорите на оваа земја со ЕУ.
Министрите за надворешни работи на ЕУ и шефот на европската дипломатијата Жозеп Борел се состануваат денеска, понеделник, на специјална седница со нивниот украински колега. Но наместо Дмитро Кулеба да дојде во Брисел, овој пат сите тие заминаа во Киев, главниот град на Украина. Само по себе, тоа е историски преседан, и не само што значи поддршка за Украина против руската агресија, туку и дека перспективите за отпочување на преговори стануваат појасни. Ова е прв пат министрите на ЕУ да одржат ваков состанок надвор од Унијата.
„Свикуваме историски состанок на министрите за надворешни работи на ЕУ овде во Украина, земја кандидат и идна членка на ЕУ. Тука сме да ја изразиме нашата солидарност и поддршка на украинскиот народ“, рече Борел во понеделникот.
„Фактот дека овој Совет за надворешни работи доаѓа во Украина е порака сама по себе“, покажувајќи дека Украина се приближува кон пристапувањето во ЕУ, изјави Кулеба. „Пораката е дека Украина станува членка на Европската унија, процесот се одвива токму додека зборуваме и ги одржуваме овие состаноци“, додаде Кулеба, подвлекувајќи дека очекува „да се отворат пристапните преговори до крајот на годината“.
Има надеж дека разговорите ЕУ-Украина во понеделник ќе дадат опипливи резултати. Конкретно, Кулеба го спомна Европскиот мировен фонд – садот со пари што ги финансира придонесите за оружје за Украина, и кој треба итно да се надополни додека Киев ја одбрани целосната руска.
Унгарија со месеци ја блокираше следната транша од 500 милиони евра, но Киев рече дека сега е постигнат договор.
Унгарскиот премиер Виктор Орбан ја спречи помошта во обид да го принуди Киев да отстрани унгарска банка од списокот на таканаречени воени спонзори. Украинската срамна листа на „меѓународни спонзори на војната“ ја наведе ОТП – најголемата комерцијална банка во Унгарија, која има милиони клиенти во Русија и е обвинета за признавање на таканаречените народни републики во окупираните територии на Украина, Донецк и Луганск.
Наводно, Киев и Будимпешта работат на пробен договор, според кој банката ќе промени дел од своите операции и, во замена, ќе биде отстранета од списокот, отворајќи го патот за Унгарија да престане да ги блокира 500 милиони евра воена помош на ЕУ за Украина.
Откако Украинската национална агенција за спречување на корупцијата во петокот објави дека привремено ја отстранила ОТП од списокот. Кулеба додаде дека сака неговите колеги од ЕУ да разговараат за нови санкции против Русија, кои ќе ја спречат способноста на Москва да произведува оружје.