Синтија Никсон штрајкува со глад во знак на протест против војната меѓу Израел и Хамас
Идејата е да се сврти вниманието на маките на Палестинците кои се борат да најдат храна и вода поради блокадата на Израел
Вашингтон– Синтија Никсон започнува штрајк со глад во знак на протест против војната меѓу Израел и Хамас.
Ѕвездата на „Сексот и градот“ им се придружи на групата прогресивни пратеници на протестниот митинг пред Белата куќа во понеделникот, каде што повикаа на постојан израелски прекин на огнот во Газа. 57-годишната актерка и активист потврди дека започнува штрајк со глад два дена. Идејата е да се сврти вниманието на маките на Палестинците кои се борат да најдат храна и вода поради блокадата на Израел.
„Овде штрајкуваме со глад само за да му свртиме внимание на [претседателот] Бајден каков хуманитарен колапс се случува во Газа и како тој има моќ да постигне прекин на огнот“, рече Никсон на митингот, според Тајм и Times of Israel. „Ништо од ова не е нормално. Ништо од ова не е рутина и ништо од ова не може да се дозволи да продолжи“.
Во моментов е во тек привремен прекин на огнот како дел од договорот за паузирање на непријателствата во замена за заложниците кои беа киднапирани од терористичката група Хамас за време на нејзината инфилтрација во Израел што започна на 7 октомври.
На Никсон, поранешен кандидат за гувернер на Њујорк во 2017 година, ѝ се придружија и демократските пратеници. Некои од пратениците штрајкуваат со глад до пет дена.
Последователните израелски напади врз Газа за уништување на Хамас и инфраструктурата на неговата терористичка мрежа убија најмалку 14.000 луѓе, според Министерството за здравство на Газа, управувано од Хамас.
Газа доживува хуманитарен колапс, со широко распространет недостиг на гориво, храна и вода и недостиг од снабдување до жителите. Прекинот на огнот започна во петокот, а досега се ослободени 58 заложници, но паузата во борбите се очекува да заврши во среда.