Синот на супермоделот Стефани Сејмур почина од случајно предозирање на 24 години

САД- Хари Брант, син на супермоделот Стефани Сејмур и милијардерот Питер Брант (73), почина од случајно предозирање со дрога на 24-годишна возраст. 

Ужаленото семејство за Њујорк Тајмс изјавија: „Со огромна тага ја споделуваме веста дека нашиот сакан син Хари Брант ја загуби битката со зависноста и почина поради случајно предозирање на лекови на рецепт. Нашите срца се скршени. Хари сакаше да ја надмине својата зависност и беше на само неколку дена од повторно заминување на рехабилитација. Засекогаш ќе бидеме тажни што животот на Хари го прекина оваа разорна болест. Ве молиме да ја дозволите приватноста на нашето семејство додека се обидуваме да се справиме со загубата на нашето убаво, убаво момче “.

Следејќи ги стапките на неговата мајка, Брант позираше во кампањи за италијанскиот Вог и Балмен. Во интервју за Вог во 2015 година, Брант зборуваше за модата како „бегство“ што му ја овозможи. „За мене, модата беше бегство од секојдневната реалност на средното училиште“, рече тој.

Сејмур (52) и нејзиниот сопруг ги делат и синот Питер Втори (27) и ќерката Лили Маргарет (16).