Силно светна розова панделка во Скопје

Големо внимание привлече синоќешната креативна светлосна инсталација што ги “размрда“ скопјани со панделка во розова боја на деловен објект позициониран на една од најфреквентните раскрсници во градот Скопје.

 Граѓаните кои поминуваа покрај објектот се фотографираа, а на социјалните мрежи се споделуваа објави со пофалби за иницијативата со розова панделка што симболизира подигнување на свеста за ракот на дојка.

 Овој тип на рак е најчестиот малигнитет кај жените, а според статистиката, три до четири жени во земјава дневно заболуваат од него. Октомври е месецот за борба против ракот на дојка и важно е да знаеме дека истиот може да се излекува доколку навреме се открие. Редовните лекарски прегледи, здравиот начин на живот, воведувањето на физичка активност и намалување на стресот се најдобрата превенција, но и заштита од заболување, што придонесуваат за подобар квалитет на живот.

 Светлосната розова панделка беше поставена на целиот деловен објект ЗОАРА кој се наоѓа во непосредна близина на новиот трговски центар Ист Гејт Мол. Од компанијата Велкоски кои се иницијатори на оваа герила акција потенцираат дека грижата за здравјето треба да биде главниот и врвен приоритет.