Силен руски ракетен напад на Миколаив

Руските сили ја нападнаа пристанишната инфраструктура во јужниот украински регион Миколаив, рече утрово градоначалникот Олександр Сенкевич.

„Покренат е огромен ракетен удар на југот на Украина од насока на Црното Море, со користење на воздухопловството“, рече тој за украинската државна телевизија, не изнесувајќи детали за последиците од нападот.

На социјалните мрежи се прошири снимка од нападот.

Минатата сабота Русија нападна уште едно јужноукраинско пристаниште Одеса, само еден ден откако беше постигнат договор за испорака на жито во Обединетите народи, Турција и Украина.

Договорот за житото има за цел да овозможи сигурно поминување на пратките жито во и од украинските пристаништа, кои Русија ги блокира од својата инвазија на 24 февруари. Русија ја обвини Украина за сопирање на испораките со минирање на пристанишните води.