Шведскиот премиер до граѓаните на државата: Подгответе се за илјадници мртви

Шведска мора да се подготви за илјадници мртви од Ковид-19, изјави денеска премиерот на државата.

„Ќе имаме илјадници мртви. Мора да се подготвиме за тоа“, рече премиерот Стефан Лофвен во интервју за дневниот весник „Дагенс Нихетер“.

Државата се соочува со криза поради бројот на луѓе кои имаат потреба од грижа и падот на економијата.

Лофвен предупреди дека пандемијата на корона вирусот ќе трае „месеци, а не со недели“.

„Треба да ја имаме таа перспектива и да не се откажуваме од мерките.“

Проценката   за жртви   се заснова на искуството на другите земји и ширењето на вирусот во Шведска.