Швајцарија се откажува од олабавување на мерките

Швајцарија ги одложи плановите за ублажување на ограничувањата поради Ковид-19, соопшти владата, повикувајќи се на зголемен број случаи со коронавирус и недоволниот напредок во вакцинациите.

Британските медиуми јавуваат дека Швајцарија првично планираше од понеделник да дозволи настани на отворено, како што се фудбалски натпревари и концерти со публика до 150 луѓе, но избира повнимателен пристап, бидејќи соседите Франција и Германија, исто така, ги суспендираа плановите за ублажување на ограничувањата.

Во изјавата на швајцарската Влада се наведува дека „во моментов, ризикот од неконтролирано зголемување на бројот на случаи е преголем за понатамошно отворање, бидејќи од крајот на февруари повторно се зголеми бројот на инфекции. Покрај тоа, се ушт се премалку вакцинираните лица за да се спречи наглото зголемување на хоспитализациите“.

Во последните денови дојде до нагло зголемување на бројот на случаи на коронавируси во Швајцарија и соседен Лихтенштајн, а вчера беа регистрирани 1.750 нови случаи, што е далеку над седумдневниот просек од 1.285 инфекции.