Што е тоа пандемија?
Пандемијата е епидемија на заразна болеста која се шири низ голема област – на повеќе континенти или ширум светот.
Светската здравствена организација денеска ја прогласи епидемијата на вирусот Ковид-19 за пандемија, со што укажа на сериозноста на инфекцијата со новиот коронавирус.
Додека епидемијата е термин што означува брзо ширење на заразна болест кај голем број луѓе во мал временски период, пандемијата е повеќе како географски маркер, што треба да укаже на тоа дека болеста се проширила низ голема област.
Самиот збор „пандемија“ е изведен од грчките зборови „pan“ (сите) и „demos“ (луѓе), што му дава и лингвистичка тежина на терминот.
Распространетата болест во која бројот на заразени лица е стабилен и не се зголемува не спаѓа под пандемија. Затоа, сезонската појава на грип, иако влијае на голем број луѓе ширум светот, не се смета за пандемија.
Исто така, болеста мора да биде и заразна со цел да се прогласи за пандемија. Тоа што е широко распространета и одзема многу животи, не се единствените критериуми.
На пример, карциномот е одговорен за исклучително голем број на смртни случаи секоја година и е распространет низ целиот свет, но не може да се смета за пандемија затоа што не е заразен.
Кога досега била прогласена пандемија?
2009 година поради свинскиот грип
1981 година поради ХИВ
1918 година поради шпанската грозница
1870 година поради големите сипаници
1347 година поради бубонската чума.