Шпанија: Десничарот Феихо по втор пат не успеа да стане премиер

Мнозинството од шпанскиот Конгрес повторно го отфрли овој петок – тоа веќе го стори во средата – да го избере лидерот на Народната партија (ПП), Алберто Нуњез Феихо, како претседател на Владата. За него гласаа 172 пратеници – 137 пратеници на неговата партија, 33 на екстремно десничарската Вокс, и двајца регионални претставници. Против него гласаа 177 пратеници, оние од Социјалистичката партија на техничкиот премиер Педро Санчез, заедно со каталонските и баскиските претставници.

На второто гласање на Феихо му беа потребни повеќе гласа „за“ отколку „против“, додека на првото гласање во средата требаше да има апсолутно мнозинство од 176 гласа. И тогаш и сега, тој имаше поддршка од 172 пратеници.

За време на својот говор, Феихо веќе го предвиде поразот предупредувајќи го генералниот секретар на ПСОЕ, Педро Санчез, дека ПП нема да апстинира доколку кралот го назначи за кандидат за премиер: „Не барајте од нас тоа што одбивате да го направите“.

Лидерот на Вокс, Сантијаго Абаскал, упати криптична закана поврзана со можната амнестија на каталонските сепаратисти: „Амнестијата е напад врз шпанскиот народ од кој тие имаат право и должност да се бранат. И тој ќе го направи тоа и тогаш не доаѓајте со лелекање“.