Шпанец прошета риба во полициски час
Шпанците се досетија како да излезат надвор и покрај наредбата да останат дома поради спречување на ширењето на корона вирусот, па шетаа необични куќни миленичиња, пренесува Си-ен-ен.
Ако за кучињата владите ширум светот одредуваа посебни сатници за шетање, Шпанците одлучија дека и на другите миленичиња им треба прошетка.
Шпанската национална полиција во петокот објави фотографија од човек кој е казнет заради „шетање“ на риба во аквариум во местото Логроно, град на северот на Шпанија.
Agentes de la @policia han sancionado a una persona por salir a "pasear" a sus peces por la calle. Los agentes le avistaron en #Logroño portando una pecera en contra de lo estipulado en el RD del Estado de Alarma.
#EsteVirusLoParamosUnidos pic.twitter.com/lOFVnDX6Fi— Policía Nacional (@policia) April 24, 2020
Тој е казнет за прекршување на владините наредби за останување дома поради пандемијата.
Шпанската цивилна гарда пак, во Ланѕарото на 25 март казни лице кое шетало кокошка, на 16 март на Твитер полицијата објави снимка од маж кој на синџирче шета играчка.
Синдикатот на полицијата ги повика луѓето да не се обидуваат да ја измамат полицијата на овој начин.