Шон Конери остави богатство од 350 милиони долари

Франција– Џејмс Бонд можеби имаше дозвола за убиство, но славниот актер кој го глумеше тајниот агент во 1950-тите и 60-те години, живееше во зачудувачка палата што дефинитивно беше лиценцирана за воодушевување. Палатата на Конери на француската ривиера беше во сопственост на легендарниот актер во средината на 70-тите години на минатиот век и сега се продава на пазарот за околу 38 милиони долари. Наградуваниот актер кој почина сабајлево во сон на 90 години, зад себе остави богатство од 350 милиони долари.

Иако познатиот шкотски актер не живеел таму со децении, но неговата сопруга Мишелин Рокебрун Конери, која е французинка од Мароко и е по потекло од областа, порано останувала таму меѓу филмските снимања. Импресивната вила прекриена со бршлен, позната како Вила Ле Рок Флеури, е лоцирана на врвот кој терасасто се спушта, со поглед на Средоземното Море, старото пристаниште на Ница и заливот во форма на полумесечина. Од едната страна е Антиби а од другата страна се гледаат Алпите со снег.

Домот во стилот на „Бел eпок“, кој датира од 1928 година, содржи пет спални соби и пет бањи кои се простираат на 10.700 квадратни метри на терасасто распоредени  6 спрата. Но, местото изгледа малку поразлично од кога таму живеел Конери. Сегашните сопственици драматично ја зголемиле вилата со купување на два соседни имоти, со што се создадоа две вили за гости комплетни со кадифни дневни соби, пријатни спални соби и функционални, добро опремени кујни.

Погледот од повеќето простории во куќата е зачудувачки, земајќи ја кобалт медитеранската вода и околните предели. Терасните градини водат надолу од домот кон базен со солена вода што гледа кон морето. Многу од оригиналните одлики на „Арт Деко“ преживеаја пред реновирање, вклучувајќи ги и украсените порти од ковано железо, заоблените ходници и оградите од скали кои ги украсуваат мермерните подови на главниот кат.

Конери се до својата смрт, живееше во идиличен дом во друга крајбрежна енклава потопена во сонцето, приватната затворена заедница на Лифорд Кеј на Бахамите.