Шојгу е „тргнат настрана“ и исмеан, тврди британското разузнавање

Рускиот министер за одбрана Сергеј Шојгу е „тргнат настрана“ поради проблемите во војната против Украина и најверојатно е исмеан од војниците поради неговото „неефикасно“ раководство, соопштија британските разузнавачи.

Последното ажурирање од Министерството за одбрана вели:

„Неодамнешните независни руски медиуми тврдат дека поради проблемите со кои се соочува Русија во војната против Украина, рускиот министер за одбрана Сергеј Шојгу сега е тргнат настрана во руското раководство, а оперативните команданти директно го информираат претседателот Путин за текот на војната.

Руските офицери и војници со искуство од прва рака од војната веројатно рутински го исмеваат Шојгу за неговото неефикасно и надвор од реалноста раководство додека рускиот напредок е во застој“.

Ажурирањето додаде дека Шојгу веројатно „се мачел“ да ја надмине својата репутација дека нема многу воено искуство.