Шилегов е омилен градоначалник на Заев

Лидерот на СДСМ и премиер Зоран Заев, денеска искажа поддршка за Петре Шилегов доколку актуелниот градоначалник на Скопје се реши да се кандидира за нов мандат.

Меѓутоа Заев додаде дека кандидатурата мора да ги помине сите партиски филтри.

„Тој е мојот омилен градоначалник на Градот Скопје. Не сум го прашал дали ќе се кандидира, се надевам дека ќе го стори тоа“, потенцираше Заев на денешната прес-конференција за време на презентација на проектот за реновирање на Универзалната сала.

Тој додаде дека дава поддршка на секој успешен градоначалник, а таква е ситуацијата со Шилегов.

„Давам поддршка на секој успешен градоначалник. Но, процедурите во СДСМ се јасни, и мора да се почитуваат“, истакна Заев кој додаде дека иако гласа за градоначалник во Струмица, сепак, даде поддршка за нов мандат за Шилегов.