Ши Џинпинг го предупредил Путин да не користи нуклеарно оружје во Украина

Кинескиот лидер Ши Џинпинг лично го предупреди рускиот претседател Владимир Путин да не користи нуклеарно оружје во Украина.

Тој го сторил тоа за време на државната посета на Москва во март оваа година, според извори на „Фајненшел тајмс“ меѓу западните и кинеските претставници.

„Кинезите ја земаат заслугата за испраќањето на сигналот на сите нивоа“, рече висок претставник на американската администрација.

Во исто време, според претставник на западната разузнавачка служба, Путин бил разочаран од посетата на Ши Џинпинг, бидејќи таа не ѝ донела никаква корист на Русија. Кинескиот лидер одби да потпише договор за изградба на гасоводот „Силата на Сибир 2“, но можеше да инсистира на осуда на употребата на нуклеарно оружје во заедничко коминике.

Ако Русија користи нуклеарно оружје за време на војната во Украина, „сето тоа ќе испадне како минус за Кина“, објасни едно од официјалните лица. Континуираниот кинески притисок врз Москва по ова прашање помага да се подобрат односите со Европа.

По патувањето на Ши во Москва, шефот на европската дипломатија, Жозеп Борел, рече дека таа „го намалува ризикот од нуклеарна војна, а тие [Кинезите] тоа го кажаа многу, многу јасно“.

„Русија никогаш не добила и нема да добие кинеско одобрение за употреба на нуклеарно оружје“, рече Ши Јинхонг, професор по меѓународни односи на Универзитетот Женмин во Пекинг. Според него, ако Путин го искористи тоа против Украина, „Кина дополнително ќе се дистанцира од Русија“.

По почетокот на украинската контраофанзива, Путин најави трансфер на тактичко нуклеарно оружје во Белорусија, но изјави дека „нема потреба“ од негова употреба, бидејќи руските трупи ја кочат офанзивата на Вооружените сили на Украина.

Сепак, оваа изјава покажа дека дури и Кина можеби нема да може да го задржи Путин, рече Александар Габуев, директор на Евроазискиот центар Карнеги Русија. „Нуклеарното оружје е конечното осигурување на Путин од катастрофалниот пораз во оваа војна“, објасни тој.